超市卧底手記二: 四周打聽的日子

        今天心情戰戰兢兢，因昨天跟「真正的僱主」談過，也拿了我需要的工具，感覺餘下時間自己需要懂得把握機會，一擊即中。

　　回超市途中，在想今晚是否行動，還是等星期四，又在想行動的話，何時將偷拍器放到袋中，放在哪裡，不過內心又不算太緊張。

 

　　最後，我想最安全的地方應該是更衣室，因為這裡未會有閉路電視，我可以把偷拍器取出，再放入袋。及後，我在更衣室內預先將偷拍器放進袋，不過並沒有夾在袋邊，計劃在收舖後，同事收工我才周圍「發掘」。

　　今天的工作態度非常認真，因為我想令同事覺得我來是工作的，心態上他們只會認為我是一個普通的兼職，不會太留意我，事實上亦如是，我工作熟習後，其實同事更少過來提點我，變相我獨自一人的時間更多，我便可以去我想去的地方。

　　收舖前我沒有四周打聽，以工作為主，當然亦有到停車場推貨品車上來，

見停車場今天的貨好像比昨天少，不過多了一些水果，有一些紙盒打開了就放在旁邊，不過我沒有特意用相機拍攝，我看這些水果為數不少，也不是被放在一旁，應該不是被棄置的水果。

 

　　今天姐姐準時收工，基本上收工時間後我便放下手上的工作，周圍行。今天我也有到過蔬果部，看見大量的水果，我心想他們會被扔掉，不過仍是看不見有任何人處理它們。收舖後，有賣剩的蛋卷、蛋糕、麵包、魚生、壽司、刺身、還有大量蔬果，我心想這些東西沒有可能賣過夜，他們放在這裡，一定在某一個時間會被扔，只是我遇不到，我心想:「我一定要遇到！」

 

　　然後，我看見另外一個理貨員，後生仔，就撩佢傾計，他頗為友善，我扮下野，問佢，呢啲壽司魚生實唔過得夜，我拎黎食得唔得，佢話:「唔得，老細唔比，拎左咪即係偷。」

 

　　之後，我落去停車場，見無人，周圍行。我發現原來有個轉角位，入面仲有好多貨品車，我行入去睇下，見到有架車，上面有六、七袋米，我見無人，拍低左段片，我行埋去睇睇有無食用日期，見到係二零一三年，即係未過期。我行左一個圈，將果度既環境拍低左，冇幾耐見到有個理貨員落返黎，見佢推住車米，我順勢問佢:「呢ｄ係咪米黎啊？」
佢答:「係」

我問:「我見到埋邊有幾包米，唔上既？」

佢答:「ｄ貨上唔切，唔要」

 

我心諗呢個應該算係浪費食物既證據，因為佢地只係以上唔切貨為理由而唔要啲未過期既食米。

 

　　我上返去，入左儲物房，今次比我見到有啲菜扔在垃圾筒上，我望過下，菜上沒有過期日，我心左一陣又合理，菜係唔會有到期日，我見佢都幾綠，應該幾新鮮，應該都係另一種證據。

 

　　值得一提，今日老細同我講，我有時間可以早啲返黎，我都有咁既計劃，因為我想唔同時段返工，可能會撞到佢地做唔同既野。

 

　　總括黎講，今日總算發現到些少有關食物處理不當既地方，希望會有用。